प्राय गम्भीर अवस्थामा पुग्नुभन्दा अगाडि नै आफुलाई मुटु रोग रहेको कुरा थाहा पाउन सकिन्छ, केही लक्षणहरुको आधारमा । यदि त्यस्ता लक्षणहरु देखिए र उपचार तर्फ लागियो भने मुट रोगबाट ज्यान गुमाउनुपर्ने जोखिम घट्न सक्ने विज्ञहरुले बताउँछन् ।
तर मुटुरोगको प्रारम्भिवक अवस्थामा उपचार नगर्ने र रोग छिप्पिदै गएपछि भने त्यसको उपचार पनि कठीन र बढि महंगो समेत हुन्छ । त्यसरी कतै आफुलाई पनि मुटुरोग पो छ की ? भनेर सचेत बन्नुपर्छ ।
यी लक्षणहरु देखिएमा सचेत हुनुहोस् की तपाईलाई पनि मुटुरोग भएको हुनसक्छ ।

१. छाति दुख्ने, ढक्क फुल्ने वा भारी हुने– छातिमा बेचैनी हुने वा भारीपन महसुस हुनु हृदयाघातको मुख्य सूचकाका रुपमा लिइन्छ । यस्तो भइरहेको छ भने तत्कालै अस्पताल गएर जचाउनुहोस् ।

२. सास फेर्न कठिनाई हने– यदि तपाईंलाई सास लिन बल लगाउनुपर्छ वा केही बेर हिड्दैमा अप्ठेरो भएको छ भने त्यो मुटुरोगको लक्षण हुन सक्छ ।

३. धेरै पसिना आउने– गर्मी मौसममा तथा धेरै परिश्रम गर्दा पसिना आउनु स्वभाविकै हो तर यदि चिसायाममा तथा बसेको बसै पनि पसिना धेरै आउँछ भने त्यो मुटुरोगको लक्षण हुन सक्छ ।

४. वाकवाक लागिरहने– नियमित रुपमा वाकवाक लाग्नु पनि हृदयरोगको लक्षण हुन सक्छ । मुटुको धमनी अवरुद्ध भएको कारणले यसो हुन सक्छ । वाकवाक लाग्ने, निकै थकाइ तथा कमजोरी महसुस हुने र तनाव महसुस हुने जस्ता लक्षण खतराका सूचक हुन सक्छन् ।

५. हात झम्झमाउने तथा चेतनाविहीन बन्ने– यदि तपाईको हात झमझमाउने वा चिमोटेको समेत थाहा नपाउने गरि सिथिल हुन्छ भने सचेत हुनुहोस् । यो मुटुरोग तथा प्यारालाइसिस लगायतको लक्षण हुन सक्छ ।

६. शरिरको कुनै अंगले काम गर्न छाड्नु– यदि शरिरको कुनै भाग जस्तै काँध, हात वा गर्धनको पछिल्लो भागले काम गर्न छाड्यो वा छुँदा पनि थाहा हुँदैन भने मुटुरोगको लक्षण हुनसक्छ ।

७. बोल्दा कठिनाई हुने, जिब्रो लरबराउने– यदि तपाईंलाई बोल्दा अप्ठेरो महसुस हुन्छ, स्पष्ट उच्चारण गर्न सक्नुहुन्न वा जिब्रो लरबरिन्छ भने त्यो मुटरोगको लक्षण हुनसक्छ ।